16 июн 10:44
Янгиликлар

Теннис

Mersedes Cup. Федерер ярим финалда, навбатдаги рақиб Киргиос!

Германиянинг Штутгарт шаҳрида ўтказилаётган теннис бўйича нуфузли “Mersedes Cup” турнири ўз якуни сари яқинлашмоқда.

Мусобақанинг биринчи ракеткаси Рожер Федерер ярим финал иштирокчисига айланди. Швейцариялик теннисчи 65 дақиқа давом этган чорак финал баҳсида аргентиналик Гвидо Пельяни 6:4, 6:4 ҳисобида таслим этди.

Йигирма саккиз ёшли Пелья ATP рейтингида 75-ўринни эгаллаб турибди. Энди Федерер ярим финал учрашувида Ник Киргиосга қарши кортга чиқади. Австралиялик теннисчи чорак финалда испаниялик Фелисиано Лопесдан 6:4, 3:6, 6:3 ҳисобида устун келди.