01 янв 11:06
Янгиликлар

Бокс/ММА

Мейвезер Насукавага қарши жангдан кейин нималар деди?

Америкалик енгилмас боксчи, бешта вазн тоифасида собиқ жаҳон чемпиони Флойд Мейвезер япониялик кикбоксчи Тенсин Насукава устидан қозонилган ғалабадан сўнг ўз фикрлари билан ўртоқлашди.

Кеча Мейвезер бокс қоидалари асосида ўтказилган жангнинг биринчи раунди иккинчи дақиқаси ўтиб бораётган бир паллада Насукавани нокаутга учратган эди. Тенсин нокаутга қадар икки бор нокдаун ҳолатига ҳам тушиб қолганди.

“Биз рингга иккимиз ҳам мағлубият нималигини билмаган ҳолда чиққандик. У ўз йўналишида ажойиб спортчи. Тенсин айни кучга тўлган вақти. Мен эса нафақадан қайтдим. Бу билан бокс фаолиятимни қайта тикламоқчи эмасман. Шунчаки, японияликларни байрам олдидан хурсанд қилмоқчи бўлгандим”, - деди Мейвезер.