Miami Open. Дунёнинг биринчи ракеткасини мағлуб этишди

Кутилмаганда дунёнинг биринчи ракеткаси Ига Свёнтек мусобақадаги иштирокини муддатидан аввал якунлади. Польшалик теннис маликаси тўртинчи даврада WTA рейтингида 16-поғонада бораётган россиялик Екатерина Александровага деярли қаршилик кўрсата олмади - 4/6, 2/6. 

Катя теннисчиларнинг ўзаро учрашувларида иккинчи ғалабасига эришди - 2:3. Саксон беш дақиқа давом этган баҳсда Александрова 8, Свёнтек 3 та эйс зарбасини амалга оширган. Қўшхатолар россиялик теннис маликасида кўпроқ бўлди - 4 га 1. Ига биронта ҳам брейкдан фойдалана олмади - 0:3. Энди Александрова Miami Open 1/4 финалида америкалик Жессика Пегулага қарши кортга чиқади.