27 мар 12:04
Янгиликлар

Теннис

Miami Open. Медведев курашсиз 1/8 финалга чиқди

АҚШнинг Майами шаҳрида ўтказилаётган "Мастерс" сериясига кирувчи турнир ўзининг қизғин палласига кириб боряпти.

Россиялик теннисчи Даниил Медведев ўйин ўтказмай туриб, мусобақанинг тўртинчи давра иштирокчисига айланди. Унинг словакиялик рақиби Алекс Молчан жароҳати сабаб кортга чиқмаган.

Маълумот учун, Даниил Медведев иккинчи давра учрашувида испаниялик Роберто Карбальес-Баэнадан 6:1, 6:2 ҳисобида устун келган эди. Энди у кейинги босқичда Кентен Алис (Франция) – Маккензи Макдональд (АҚШ) учрашуви ғолиби билан тўқнаш келади.

4 апрелга қадар давом этадиган Майами "Мастерс" турнирининг умумий мукофот жамғармаси 8,8 миллион долларни ташкил қилади.