Miami Open. Қозоғистонлик теннис маликаси бу йил ҳам финалда ўйнайди

WTA 1000 тоифасига кирувчи, умумий мукофот жамғармаси 8,9 миллион долларни ташкил этувчи ушбу нуфузли мусобақанинг ўтган йилги финалчиси Елена Рибакина бу сафар ҳам бош соврин учун ўйнайдиган бўлди. 

Дунёнинг тўртинчи ракеткаси бўлиб турган қозоғистонлик теннис маликаси 1/2 финалда WTA рейтингининг 32-поғонасидан жой олган беларуслик Виктория Азаренкони уч сет натижасига кўра мағлубиятга учратди - 6/4, 0/6, 7/6(2).

Елена теннисчиларнинг ўзаро учрашувларида мутлақ устунликка эришмоқда - 4:0. Икки соату 36 дақиқа давом этган баҳсда Рибакина 11, Азаренко 8 та эйс зарбасини амалга оширган. Қўшхатолар Викторияда икки баробар кўпроқ бўлди - 6 га 3.