Миразиз Мирзахалилов Олимпия ўйинларидаги хатоси ҳақида гапирди

"Тайёргарлик жуда яхши ўтмоқда. Ҳозирда кубалик боксчилар билан биргарликда машғулот олиб бормоқдамиз. Уларнинг борлиги ҳам бизга кўтаринки кайфиятни тақдим этмоқда. 

 Ўтган Олимпия ўйинлари? Ҳар бир спортчининг ёшлигидан Олимпиадада чемпион бўлиш мақсади бўлади.Бу мақсадим йўлида кўплаб ютуқларга эришдим. Энди бўлажак йирик мусобақаларда ғалаба қозониб, Париж-2024да муносиб иштирок этмоқчиман. Токиода бўлиб ўтган мусобақаларда ҳар бир раунд ҳал қилувчи раунд бўлишини билдим. Мен эса биринчи уч дақиқаликда рақибимни ўрганишга сарфламоқчи бўлдим. Бу услуб эса энг катта хатоим бўлди.

Энди жаҳон чемпионатида эса ҳар бир раундда ютишга ҳаракат қиламан. Бўлажак мусобақада жамоамиз  янгилаган таркиб бўлди. Буларнинг ҳар бири чемпионлик учун курашади",-деди Миразиз Мирзахалилов.