30 апр 13:28
Янгиликлар

Бокс/ММА

Миразизбек Мирзахалилов иштирокидаги турнир номаълум муддатга қолдирилди

4 май куни Россия Федерациясининг Санкт-Петербург шаҳридаги "КСК Арена" мажмуасида IBA.Pro: Чемпионлар оқшоми ўтказилиши керак эди.

Оқшомнинг асосий кардида тажрибали чарм қўлқоп устамиз Миразиз Мирзахалилов (4-0, 3 КО) россиялик жаҳон чемпиони Всеволод Шумковга қарши (3-0, 1 КО) рингга чиқиши керак эди. Бу икки боксчининг IBA.Pro турнирлар сериясидаги ўзаро иккинчи жанги бўлиши кутилганди.

2024 йилнинг сентябрь ойида Озарбайжоннинг Боку шаҳрида ўтказилган дастлабки жангда Шумков ҳакамларнинг баҳсли қарорлари эвазига Мирзахалиловдан устун келганди.

Бироқ ташкилотчиларнинг маълум қилишича, мусобақа номаълум сабабларга кўра қолдирилган. Турнирнинг янги санаси ҳақида эса кейинроқ хабар берилиши айтилган.