10 авг 13:33
Янгиликлар

Бокс/ММА

ММА Федерацияси президентини пичоқлаб ўлдиришди

Мудҳиш воқеа тўйда бўлиб ўтган, қотил эса 74 ёшда бўлган.

Россия Федерацияси Олтой Республикаси ММА Федерацияси президенти Алексей Калбуков Тюнгур қишлоғидаги тўйда пичоқланган. SHOT телеграм-каналининг хабар беришича, Калбуков ҳамда тўйга келган ва маст ҳолатда бўлган меҳмонларнинг бири ўртасида низо юзага келган.

"74 ёшли пенсионер ўзи ўтирган жойдан туриб, Калбуков ёнига келди ва унинг кўкрак қафасига пичок билан зарба берган. Бунинг натижасида у воқеа жойида вафот этди. Қотил қўлга олинган", — дея воқейлик ҳақида хабар берган ҳуқуқни муҳофаза қилиш органи ходими.

Алексей Калбуков тоғли Олтойдаги "АК-КЕМ" аралаш яккакураш клуби раҳбари ҳам бўлган.