“Монако” Жардимни четлатди, Морено янги бош мураббий!

Монегасликларга илгари Испания термасини бошқарган Роберто Морено бош мураббий этиб тайинланган.

Морено “Монако” билан 2022 йилнинг 30 июнига қадар амалда бўладиган шартномага имзо чекди. 42 ёшли испаниялик мутахассис янги ҳафта аввалида ишга киришади.

Жардим илк бор 2014 йилнинг июнида “Монако”га бош мураббий этиб тайинланган ва тўрт йилдан ортиқ вақт мобайнида жамоани бошқариб 2018 йилнинг октябрида истеъфо беришга мажбур бўлганди. 2019 йилнинг январида “Монако” раҳбарияти яна унга мураббийликни ишониб топширганди.

“Монако”нинг янги устози Морено эса 2019 йилнинг июнь-нобярь ойларида Испания термасини бошқарган. Унгаса эса у “Барселна”, “Сельта”, “Рома” клубларида ёрдамчи мураббий сифатида фаолият юритган.

“Монако” айни пайтда Франция чемпионатида 18 учрашувдан 28 очко жамғариб, турнир жадвалининг 7-поғонасини банд этиб турибди.