03 авг 15:18
Янгиликлар

Теннис

Монреаль (WTA 1000). Коко Гофф 85-ракеткага ютқазиб қўйди

Канаданинг Монреаль шаҳрида ўтказилаётган теннис бўйича WTA 1000 тоифасига кирувчи нуфузли турнирда 1/4 финалчилар аниқланди.

Дунёнинг иккинчи ракеткаси Коко Гофф кутилмаганда 1/8 финал учрашувида WTA рейтингида 85-поғонада бораётган мезбонлар вакиласи Виктория Мбокога имкониятни бой бериб қўйди - 1/6, 4/6. Мбоко фаолиятида илк бор Топ-10`даги рақибасини енгишга муваффақ бўлди.

Бу теннисчиларнинг ўзаро ўтказган илк учрашуви бўлди. Олтмиш уч дақиқа давом этган баҳсда Гофф 1, Мбоко 2 та эйс зарбани амалга оширган. Виктория Мбоко асосий тўрга wild card, яъни имтиёзли йўлланма асосида қўйилган эди. Энди у 1/4 финалда испаниялик Жессика Бусас Манейрога қарши кортга чиқади.