19 апр 21:11
Янгиликлар

Теннис

Monte-Carlo Masters. Дунёнинг биринчи ракеткаси мағлуб бўлди

Монако Князлигининг Монте-Карло шаҳрида теннис бўйича «Мастерс» сериясига кирувчи нуфузли турнир давом этмоқда.

Мусобақанинг навбатдаги кунида яна бир сенсация кузатилди. Сайёрамизнинг биринчи рақамли теннисчиси Новак Жокович кутилмаганда россиялик Даниил Медведевга имкониятни бой бериб қўйди.

Икки соату 20 дақиқа давом этган учрашувда Медведев кучли рақиби устидан 6/3, 4/6, 6/2 ҳисобида зафар қучди. Энди Медведев финал йўлланмаси учун яна бир серб теннисчиси Душан Лайовичга қарши кортга чиқади.