20 апр 09:55
Янгиликлар

Теннис

Монте-Карло. Амалдаги чемпион ярим финалда!

Жаҳоннинг иккинчи рақамли теннисчиси Рафаэль Надаль Монакода ўтказилаётган “Мастерс” турниридаги омадли юришини давом эттирмоқда.

Испаниялик ракетка устаси чорак финалда аргентиналик рақиби Гуидо Пельяни 7/6(7:1),6/3 ҳисобида таслим этди. Икки соату 21 дақиқа давом этган учрашувда Надаль етти бор брейкни амалга оширишга эришган.

Эслатиб ўтамиз, Рафаэль Надаль Монте-Карлода давом этаётган турнирнинг амалдаги ғолиби ҳисобланади. Ўтган йилги турнир финалида у япониялик Кеи Нисикорини 6/3,6/2 ҳисобида таслим этган эди.