23 авг 20:20
Янгиликлар
Теннис
Монтеррейда ўзбек теннис дербисига гувоҳ бўламиз!
Мексиканинг Монтеррей шаҳрида ўтказилаётган WTA 500 турнири саралаш босқичида Ўзбекистон вакилалари Мария Тимофеева ҳамда Камилла Рахимова ҳал қилувчи баҳсда ўзаро тўқнаш келади.
Биринчи босқичда Мария Тимофеева таиландлик Ланлана Тарарудени 7:6(5), 2:6, 7:6(4) ҳисобида мағлуб этди.
Камилла Рахимова эса франциялик Леолиа Жинжан устидан 6:4, 4:6, 6:2 ҳисобида ғалаба қозонди.
Энди Монтеррейда ўзбек теннис дербиси бўлиб ўтади. Ушбу учрашув ғолибаси турнирнинг асосий тўрига йўл олади. Беллашув Тошкент вақти билан 24 август куни тонгги 2:00 да бошланиши белгиланган.
Monterrey Open — WTA 500 тоифасидаги турнир бўлиб, баҳслар қаттиқ қопламали кортларда ўтказилади. Турнирнинг умумий мукофот жамғармаси 1 206 446 долларни ташкил этади.
Ҳавола :
Манба : utf.uz
Фикрлар