МОҚ раиси эркин курашчиларимиз билан куч синашди ФОТОГАЛЕРЕЯ

Бу каби натижаларга бошқа спорт турларида ҳам эришиш учун астойдил ҳаракат қилмоқдамиз. Аёллар кураши бўйича Олимпия ўйинларига йўлланма олиш биз кўзлаётган ана шундай шундай марралардан биридир.

Анатолий Ибрагимов ҳамда Арсен Шарашенидзе қўл остидаги спорт курашлари бўйича Ўзбекистон аёллар терма жамоаси ҳозирда Токио Олимпиадаси учун йўлланма берувчи қитъавий ва жаҳон миқёсдаги лицензион мусобақаларга ҳозирлик кўрмоқда.

Спортчиларимизнинг машғулоти “Динамо” спорт мажмуасида олиб борилмоқда. Бугун МОҚ раиси Рустам Шоабдураҳмонов ушбу спорт базасига ташриф буюриб, у ерда шуғулланаётган курашчиларимиз билан учрашди.

Ташриф давомида Рустам Шоабдураҳмоновга МОҚ қошидаги РСТИАМ директори Абдушукур Садиков ҳамроҳлик қилди.

Таъкидлаш жоиз, ҳозирда ушбу базада эркин курашчиларимиз ҳам машғулот олиб боришмоқда. Учрашувда ҳар икки жамоа вакиллари билан самимий мулоқот ўтказилиб, уларни қийнаётган муаммолар, ечимини топмаётган баъзи масалалар ҳақида суҳбатлашилди.

 МОҚ раиси спортчиларимиз билан гаплашар экан, ҳукуматимизнинг спортни қўллаб-қувватлашга катта эътибор қаратаётгани ҳақида таъкидлаб ўтди.

Якунда МОҚ раиси мураббийларимиз ёрдамида эркин кураш усулларидан бирини ўзида синаб кўришга ҳаракат қилгани учрашувнинг эътиборли вазиятларидан бири бўлди.

Эркин курашчиларимиз янги мавсумга тайёргарликни Туркия йиғинида давом эттиришса, курашчи қизларимиз Украинада ўқув-машғулот йиғинида бўлиши режалаштирилган.

Ушбу йиғинлар апрель ойида Қозоғистонда ўтажак лицензион мусобақа учун тайёргарлик вазифасини бажариб беради.