Мовсар Евлоев фаолиятида илк бор 5 раундлик жанг ўтказади

31 ёшли Мовсар  21 март куни Лондонда ўтказиладиган UFC Fight Night 270 турнирининг асосий жанги доирасида Лерон Мёрфига қарши октагонга кўтарилади.

Марказий беллашув 5 раунд этиб белгиланган. Эътиборлиси, бу Мовсар учун карьерасидаги илк 5 раундлик баҳс ва марказий жанг бўлади.

Мовсар Евлоев ярим енгил вазн тоифаси UFC рейтингида биринчи ўринни эгаллаб турибди. У ўзининг сўнгги жангини 2024 йилнинг декабрь ойида ўтказган ва ҳакамларнинг якдил қарори билан Алжамейн Стерлинг устидан ғалаба қозонганди. Бунгача у Арнолд Аллен, Диего Лопес ва Дэн Игени ҳам мағлуб этган. Унинг UFC’даги барча ғалабалари ҳакамлар қарори билан қўлга киритилган.

34 ёшли Лерон Мерфи (17-0-1) эса 2025 йилнинг августида ўтган UFC 319 турнирида Аарон Пико устидан ғалаба қозонган эди. Бунгача у Жош Эммет, Дэн Иге ва Эдсон Барбосани мағлуб этган.