Мовсар Евлоев ўзини зерикарли жангчи деб ҳисоблашларига муносабат билдирди

"Фақат дилетантлар мени зерикарли жангчи деб ўйлайди. Улар ММА аслида нима эканини тушунмайди. Аралаш жанг санъатини тушунадиганлар бу даражада мағлубиятсиз қолиш қанчалик қийинлигини билади. Рейтингда биринчи рақам бўлиш ҳазил эмас. Мен ҳар доим муддатидан олдин ғалаба қозонишга ҳаракат қиламан, лекин эҳтимол бу менинг услубим эмасдир. Рақибларимни техник ишлашим билан чарчатаман. Охир-оқибат, энг муҳими — ғалаба, тўғрими?

Агар муддатидан олдин якун бўлса-ю, лекин мен ютқазсам, масалан, рақибим мени финиш қилса, мухлислар учун қизиқарли бўлиши мумкин, аммо мен учун эмас. Мен буни қабул қилмайман. Агар ғалабага эришишнинг ягона йўли кураш бўлса, ундан фойдаланмаслик аҳмоқлик бўларди. Мен иш берадиган барча усуллардан фойдаланаман — буни шанба куни кўрасиз", — деди Евлоев MMA Mania’га.