03 июл 21:42
Янгиликлар

Теннис

Мугуруса "Уимблдон"нинг илк даврасида 121-ракеткага ютқазиб қўйди

Лондонда давом этаётган "Катта Дубулға" туркумига кирувчи Уимблдон турниридаги сенсацияларнинг кети узилмаяпти.

Рақамланган теннис маликаларидан Гарбинье Мугуруса биринчи босқичдаёқ ўз ракеткасини ғилофига солишга мажбур бўлди. Дунёнинг 27-ракеткаси бўлиб турган испаниялик теннисчи рейтингнинг 121-поғонасидан жой олган Беатрис Хаддад Майега имкониятни бой бериб қўйди.

Бразилиялик теннисчи 1 соату 31 дақиқа давом этган учрашувда номдор рақибасини 6:4, 6:4 ҳисобида таслим этди. Икки кун ичида Наоми Осака, Арина Соболенко, Маркета Вондроушова, Каролин Гарсия, Леся Цуренко, Дарья Касаткина, Винус Уильямс сингари рақамланган теннисчилар "ҳайдалиш куйи"ни чалишга улгуришди.