Муҳаммад Мокаев Brave CF лигасидаги навбатдаги рақибни айтди

У енгил вазн тоифасида чемпионлик унвонига эга сербиялик Борислав Николичга қарши октагонга чиқмоқчи. Икки чемпион ҳам Баҳрайнда бўлиб ўтган Brave CF 100 турниридан кейин супер жанг ўтказишга тайёр эканликларини маълум қилишди.

"Мен бир нарсани айтмоқчиман. Биз исталган вақтда ва исталган жойда жанг қилишимиз мумкин, аммо бунинг учун яхшигина ҳақ тўланиши керак. Бу бизнес, чунки мен оиламни боқишим керак. Агар ташкилот пул тўласа, сен билан Сербияда жанг қиламан", - деди оқшомнинг марказий жангида Хамза Кухежини тўртинчи раундда нокаутга учратган Николич.

"Дўстим, гонорарингизни ўзим тўлайман, ташвиш қилманг. Шаҳид, унга яхши пул бер! Мен икки вазн чемпиони бўлишга тайёрман!", - дея жавоб қайтарди британиялик Мокаев бўлажак рақиб ва Лига раҳбариятига юзланиб.

Маълумот учун, 25 ёшли Муҳаммад Мокаев иккинчи раунднинг саккизинчи сониясида ирландиялик Жерард Бернсни техник нокаутга учратиб, Brave CF чемпионига айланганди.