"Мундиалдан сўнг скаутлар нигоҳи Ўзбекистонга қаратилади" - "Црвена Звезда" собиқ футболчиси

Мундиал орқали ҳар бир футболчи ўзининг кучли томонларини кўрсатишга интилади. Табиийки, бу орқали кучли клублар назарига тушиш осонроқ. "Црвена Звезда" ва "Пахтакор" собиқ ҳимоячиси Боян Миладинович бу борада ўз фикрлари билан бўлишди.

"Жаҳон чемпионати катта реклама майдони ҳам ҳисобланади. Ҳар бир футболчи ўзини яхши кўрсатади. Шомуродов, Ҳусанов, Файзуллаев каби номларни бутун дунё ёдлаб олган. Яна бир қанча маҳоратли футболчилар борлиги шубҳасиз. Айнан бу мундиалдан сўнг бутун дунё агентлари, клубларнинг скаутларининг нигоҳи Ўзбекистонга, чемпионатга қаратилади деб ўйлайман. Улар ижобий маънода бошқача қарашни бошлашади. Янги Шомуродов, Ҳусановлар қидирилади. Бу мамлакатда қандай техник ижрочилар борлигини кўриб олишади. Жаҳон чемпионатида Ўзбекистон терма жамоаси кучли томонларини омммага намоён қилишини тилаб қоламан", – дейди Боян Миладинович.