Мурод Хонтўраев Чирчиқдаги тадбирда қатнашди

Жумладан, Чирчиқ шаҳрида жойлашган ЎзДЖСТУда Тошкент вилояти жисмоний тарбия ва спорт бошқармаси томонидан йирик байрамона тадбир ўтказилди.

Тадбирда Тошкент вилояти ҳокимлиги, Чирчиқ шаҳри ҳокими, вилоят спорти фидойилари, машҳур спортчилар, туман бошқармалари ҳамда вилоятдаги барча БЎСМлари раҳбар-ходимлари ва ўқувчилари иштирок этишди.

Тадбирда вилоят спорти ривожи йўлида хизмат қилаётган фаол ходимлар, халқаро майдонларда қатор ютуқларни қўлга киритган спортчилар ва вилоят спорти ютуқларини ёритиб боришда фаол бўлаётган ОАВ вакиллари вилоят жисмоний тарбия ва спорт бошқармаси ва вилоят ҳокимлиги томонидан муносиб тақдирланишди.

Уларнинг қаторида халқаро майдонларда юртимиз шаънини муносиб ҳимоя қилиб келаётган 23 нафар Жаҳон ва Осиё чемпионларига қимматбаҳо эсдалик совғалари топширилди.

Шунингдек, Тошкент вилояти туманлари ўртасида спортни кенг тарғиб этаётган туман сифатида Тошкент тумани эътироф этилиб, вилоят жисмоний тарбия ва спорт бошқармаси бошлиғи Комилжон Адилов томонидан 56 млн сўмлик спорт инвентарлари билан тақдирланди.

Шундан сўнг тадбирнинг байрамона дастурига навбат берилди. Дастурга кўра, вилоятда ўзбек жанг санъати, таэквондо, каратэ спорт турлари билан шуғулланаётган ёшлар ўз кўргазмали чиқишлари билан иштирок этишди. Шунингдек, бир қатор санъаткорлар ўз куй ва қўшиқлари билан тадбир томошабинларини хушнуд этишди.

Тадбир якунида ММА бўйича кўпкарра Осиё чемпиони “Осиё айиғи” лақаби билан дунёга машҳур бўлган спортчимиз Мурод Хонтўраев вилоятдаги 500 нафардан ортиқ ёш спортчиларга вилоят жисмоний тарбия ва спорт бошқармаси томонидан тақдим этилган совғларга ўз дасхатини туширган ҳолда тақдим этди.