UZ

Сўнгги янгиликлар

19:01Арман Царукян апрель ёки май ойида жанг қилишга тайёр эканлигини айтди 0 18:39Жастин Гэтжи – Дана Уайтга: "Охирги тўрт жангимнинг учтасини ютдим. Чемпионлик жангига тайёрман" 0 18:18Аёллар ўртасида Ўзбекистон Суперкубоги-2025. "Севинч" ОКМК-W'ни йирик ҳисобда таслим этди 0 17:54"Хабиб 29-0 статистикасини сунъий тарзда тўлдирган" - UFC собиқ жангчиси 0 17:25Дональд Трамп Конор Макгрегорга мухлислик қилишини айтди 0 17:03Алекс Перейра: "UFC Магомед Анкалаевга қарши реванш жангини тайёрламоқда" 0 16:41Ўзбекистон U-23 ҳамда ёшлар терма жамоасининг Хитой ва Туркиядаги йиғинда иштирок этадиган таркиби маълум 0 16:20Фьюри фаолиятини давом эттиришга қарор қилган тақдирда, дарҳол чемпионлик камари учун жанг қилиши мумкин 0 15:59"Оливейрадан кўра Топурия Махачев билан жангга лойиқ" - Дариуш 0 15:37WBO Александр Усик учун мажбурий даъвогар номини маълум қилди 0 15:16ЖЧ-2026 саралашига чақирилмаган Ҳожимат Эркиновда жароҳат борми? 0 14:55Ёш слаломчиларимиз Осиё чемпионатида 6 та медаль қўлга киритишди 0 14:34Чарльз Оливейра BMF камари учун жанг қилмоқчи 0 14:13Боксчиларимиз World Boxing томонидан ташкил этиладиган мусобақада қатнашишади 0 13:52Қирғиз Республикаси терма жамоасининг Ўзбекистонга қачон келиши маълум 0

15 окт 15:25
Янгиликлар

Бокс/ММА

Мурод Хонтўраев озодликка чиқарилди

2018 йил 12 октябрь куни жиноят ишлари бўйича Яккасарой туман судида судланувчилар Мурод Хонтўраев, Дониёр Ваҳобов ва Илҳомжон Парпиевга нисбатан жиноят ишини кўриб чиқиш бўйича суд жараёни ниҳоясига етди ва суд ҳукми эълон қилинди.

Ўзбекистон Республикаси Олий суди расмий вакили Азиз Обидовнинг Kun.uz’га маълум қилишича, мазкур жиноий иш судья Темур Қосимов раислигида кўриб чиқилди.

Суд жиноят иши материалларини ҳар томонлама ва тўлиқ ўрганиб, М.Хонтўраевни, Д.Ваҳобовни Ўзбекистон Республикаси Жиноят кодексининг 277-моддаси (“Безорилик”) 3 қисми “а” банди, И.Парпиевни Ўзбекистон Республикаси Жиноят кодексининг 168-моддаси (“Фирибгарлик”) 1 қисми ва 277-моддаси (“Безорилик”) 2 қисми “а”, “б”, “в” бандларида кўзда тутилган жиноятларни содир этишда айбдор деб топди.

Суд Ўзбекистон Республикаси Конституцияси ва жиноят қонунчилигида ўзининг теран ифодасини топган инсонпарварлик, бағрикенглик ва адолат тамойилларидан келиб чиқиб, судланувчиларга жазо тайинлади.

Жиноят ишлари бўйича Яккасарой туман суди М.Хонтўраевга энг кам ойлик иш ҳақининг 94 баробари миқдорида жарима жазоси, Д.Ваҳобовга 3 йил 8 кун муддатга озодликни чеклаш жазоси, И.Парпиевга ойлик иш ҳақидан 20 фоиз давлат фойдасига ушлаб қолган холда 2 йил 1 ой 24 кун муддатга аҳлоқ тузатиш ишлари жазоси тайинлади.

Судланувчиларга жазо тайинлашда улар истиқомат қилувчи маҳалла фуқаролар йиғинлари томонидан тақдим этилган ўз кафиллигига олиш ҳақидаги хатлари инобатга олинди.

Шунингдек, суд томонидан судланувчиларга ва бошқа томонларга ҳукм устидан шикоят қилиш тартиби ва муддати тушунтирилди.

Эслатиб ўтамиз, аввалроқ Мурод Хонтўраев бир қатор шахслар билан биргаликда 21 июнга ўтар кечаси Юнусободдаги тунги клублардан бирида «жамоат жойида юриш-туриш қоидаларини бузган, тартибсизлик қилгани» ҳақида хабар берилганди.

Унинг ўзи тан жароҳати (кўкрагига пичоқ билан зарба берилган) билан Юнусободдаги 7-касалхона (собиқ 17-шаҳар касалхонаси)га ётқизилган, кейинги куни милиция томонидан олиб кетилган.

Маълумот учун, Хонтўраев 1987 йилда Тошкент шаҳрида туғилган. Айни пайтда у Тошкент шаҳридаги Г. В. Плеханов номидаги Россия иқтисодиёт университети филиалининг 3-курс талабаси. Оилали ва икки нафар фарзанди ҳам бор.

Рейтинг: -1   

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг