28 июл 12:02
Янгиликлар

Бокс/ММА

Муродбек "Алпомиш" Чориев АҚШдаги ғалабасидан сўнг: "Мен бу ерга ўйнаш учун келмадим"

Ярим ўрта вазн тоифасида асли ўзбекистонлик аралаш яккакураш устаси Муродбек Чориев (3-0) АҚШда навбатдаги жангини ўтказди.

Ҳамюртимиз ММАдаги профессионал фаолиятини 2023 йилда бошлади. У бунгача ҳаваскор спортда 9 та жанг ўтказиб, уларнинг саккизтасида рақибларидан устун келган.

Муродбек 23 июль куни АҚШдаги Shamrock FC 347 мусобақасида маҳаллий спортчи Зек Девисга (5-4) қарши жанг қилиб, иккинчи раундда рақибини нокаутга учратди.

Шундан сўнг Чориев ўз Instagram саҳифаси орқали бўлажак рақиблари ва мухлисларга мурожаат қилди:

"Мен бу ерга ўйнаш учун келганим йўқ. Мен мухлисларим учун спектакль кўрсатмоқчиман дедим ва шундай қилдим", - деб ёзган ҳамюртимиз.

Маълумот учун, Муродбек Чориев ярим ўрта вазн тоифасида Америка Қўшма Штатлари умумий рейтингида 1097 нафар жангчи орасида 201-ўринда қайд этилган.