Муроджон Аҳмадалиев: "Оёқ-қўлларим ўзимга бўйсунмади"

"Барибир у тез эди. Ҳозир ҳаммаси вақтга бориб тақаляпти. Агар яхшироқ қизиб олганимда, жанг жуда ҳам бошқача бўларди. Охирги тайёргарлик йиғинимда ҳам жуда яхши формада эдим. Вазн ташлашда ҳам қийналмадим. Ўзимни яхши формада ҳис қилдим. Кўпчилик ҳаяжонланди, дейиши мумкин. Лекин йўқ, ўзимга ишонгандим. Рингда нима қилишимни билардим. Шунинг учун, мен томондаги воқеаларни ҳам ҳисобга олинглар. Рингда ҳаракат қилдим, лекин оёқларим, танам, қўлларим ўзимга буйсунмади. Ундан секинроқ эдим. Қизиб олишим яхши бўлиши керак эди. Мен қўлимдан келганича ҳаракат қилдим. Ғалаба ҳам, мағлубият ҳам Аллоҳдан. Ин Ша Аллоҳ кучли бўлиб қайтамиз", дейди Аҳмадалиев.