Мутал Назаров жаҳон чемпионатида ҳакамлик қилди

Уч кун давомида Япония пойтахти Токио шаҳри фулконтакт каратэ бўйича жаҳон чемпионатига мезбонлик қилди. Ушбу дунё биринчилигида Ўзбекистон номидан Мутал Назаров ҳакам сифатида таклиф этилди. 

Назаровнинг хабар беришича, бугунги кунда 10 миллионга яқин киши ушбу спорт тури билан шуғулланиб келмоқда ва шу йилнинг ўзида Ўзбекистон янги Фулконтакт каратэ федерацияси очилиши режалаштириляпти. 

NUR-HAS марказига оид яна бир янгилик, Навоий шаҳрида вилоят ҳокими кубоги учун мусобақа ўтказилди. Ушбу турнир олдидан халқаро семинар ҳам ташкил этилиб, унда қўшни Қирғиз Республикасидан келган спортчилар иштирок этди. 

Бундан ташқари, NUR-HAS маркази тарбияланувчилари 20-21 июнь кунлари Тожикистон пойтахти Душанбе шаҳрида ўтказиладиган шинкиокушинкай каратэ бўйича халкаро турнирга тайёргарлик кўришяпти. 28-29 июнь кунлари эса Қозоғистоннинг Астана шаҳрида ҳам халқаро мусобақа бўлиб ўтади. 

Шунингдек, 1-3 июль кунлари Венгрия давлатининг Сольнок шаҳрида ўсмирлар, ёшлар, катталар ва фахрийларўртасида ўтказиладиган жаҳон чемпионатида ҳам каратэчиларимиз юртимиз шарафини ҳимоя қилишади. 

Яна бир маълумот, бугун пойтахтимизда халқаро семинар бошланди. Унда Санкт-Петербург шаҳридан келган Россияда 11 та минтақа шинкиокушинкай федерациялари президенти бўлган Абдурашид Хидиров ёш каратэчиларимизга маҳорат сабоқларини ўтказади.