29 апр 14:32
Янгиликлар

Теннис

Mutua Madrid Open. Дунёнинг 4-ракеткаси 105-ракеткага ютқазди

Мадрид "Мастерс" турнирида кутилмаган натижалар ҳам кузатиляпти.

Дунёнинг тўртинчи ракеткаси Каспер Рууд иккинчи давра учрашувида рейтингнинг 105-поғонасида бораётган италиялик Маттео Арнальдига 3/6, 4/6 ҳисобларида имкониятни бой бериб, мусобақадаги иштирокини эрта якунлади.

Бу теннисчиларнинг ўзаро ўтказган илк учрашуви эди. Тўқсон беш дақиқа давом этган баҳсда Рууд 4, Арнальди 6 та эйс зарбасини амалга оширди. Арнальди фаолиятида илк бор Топ-50 рейтингидаги теннисчини мағлуб этди. Энди у Mutua Madrid Open турнирининг учинчи даврасида испаниялик Хауме Муньярга қарши кортга чиқади.