Mutua Madrid Open. Дунёнинг биринчи ракеткаси 1/2 финалда

Сайёрамизнинг биринчи рақамли теннис маликаси Арина Соболенко Mutua Madrid Open  бош соврини учун асосий даъвогар эканини амалда исботламоқда. Беларуслик теннисчи 1/4 финалда қийин ғалабага эришди. У WTA рейтингида 36-поғонада бораётган украиналик Марта Костюкни тай-брекларда мағлуб этишни уддалади - 7/6(4), 7/6(7).

Теннисчиларнинг ўзаро учрашувларидаги ҳисоб йириклашди - 3:0. Икки соату 33 дақиқа давом этган баҳсда иккала теннис маликаси ҳам 2 тадан эйс зарбасини амалга оширган. Қизиғи, қўшхатолар ҳам, брейклар ҳам бир хилда бўлди - 5 ва 3 тадан.