MVP жангчилари тарозида: Роузи ва Карано хонимлар уддалади, Нганну рақибидан 16 кг оғир тош босди

Оқшомнинг асосий жанги аёллар ўртасида ярим енгил вазн тоифасида ўтказилади ва унда UFC собиқ юлдузлари Ронда Роузи ва Жина Карано ўзаро тўқнаш келади. Турнир хедлайнерлари белгиланган вазн меъёрини ортиқча қийинчиликсиз, деярли 2 кг захираси билан бажаришди. Роузи тарозида 64.4 кг, Карано эса 64.1 кг тош босди. Бу вазн учун максимал лимит 66.2 кг. ни ташкил қиларди. 

Турнирнинг аҳамияти жиҳатидан иккинчи, яъни co-main event жанги Нейт Диас ва Майк Перри ўртасида ташкил этилади. Ярим ўрта вазн тоифаси вакиллари ҳам ушбу вазн лимитини уддалашди. Диас 76.5, Перри эса 76.9 кг вазн қайд этди. 

Оғир вазн тоифасида собиқ UFC юлдузи Фрэнсис Нганну Жейк Пол ўтказаётган турнир доирасида Филипе Линсга қарши "қафас"га киради. Нганну рақибидан 16 кг оғирроқ вазнга эга экани ойдинлашди - 116.6 кг.

Тарози натижалари (Асосий кард жанглари)

Ронда Роузи (64.4 кг) – Жина Карано (64.1 кг)

Нейт Диас (76.5 кг) – Майк Перри (76.9 кг)

Филипе Линс (100.1 кг) – Фрэнсис Нганну (116.6 кг)

Кеннет Кросс (70.5 кг) – Саладин Парнасс (70.2 кг)

Робелис Деспейн (117.4 кг) – Жуниор Дос Сантос (111.3 кг)

Прелим кард жанглари

Жейк Бабиан (77.6 кг) – Намо Фазил (77.5 кг)

Адриано Мораес (58.5 кг) – Фуми Нкута (59 кг)

Жефферсон Крейтон (76.3 кг) – Жейсон Жексон (77.5 кг)

Давид Мгоян (65.9 кг) – Альберт Моралес (65.2 кг)

Жейд Мэссон-Вонг (58.6 кг) – Алин Перейра (58.1 кг)

Крис Авила (74.4 кг) – Брэндон Женкинс (74.5 кг)