22 апр 09:38
Янгиликлар

Теннис

Надаль 2015 йилдан бери энг ёмон натижасини қайд этди

Кеча Монте-Карлода якунланган "Мастерс" сериясига кирувчи турнирнинг ярим финалида Рафаэль Надаль италиялик Фабио Фоньинига 4:6, 2:6 ҳисобида мағлуб бўлган эди.

Бу натижа Надалнинг 2015 йилдан бери грунт қопламали кортлардаги энг кутилмаган мағлубияти ҳисобланади. Ўша йили испаниялик юлдуз Мадриддаги турнирда британиялик Энди Маррейга катта ҳисобда ютқазиб қўйганди.

Маълумот учун, айнан дунёнинг иккинчи ракеткаси, грунт қиролини мағлубиятга учратган Фабио Фоньини финалда сербиялик Душан Лайовични 6:3, 6:4 ҳисобида енгиб, "Мастерс" турнири ғолибига айланди.