Надаль фаолиятини якунлаш ҳақидаги саволга жавоб берди

"Ростини айтсам, менда ҳеч қандай тасаввур йўқ. Ҳозирча соғлом ва рақобатбардош бўлиб турсам, мен теннис ўйнашдан фақат завқланаман.

Албатта, фаолиятим давомида ўйинларда кўплаб ўзгаришлар қилишим мумкин эди, мен мослашдим ва маълум кўникмаларни ривожлантирдим. Теннисда ҳар доим устида ишлаш керак бўлган нарсалар бор.

Узоқ йиллар давомида сиз нарсаларга бошқача қарашни бошлайсиз. Турнирларга ва машғулотларга бўлган муносабатингиз ҳам ўзгариб боради. Аммо энг муҳими, имкон қадар узоқ вақт давомида соғлигингизни сақлаб қолишдир", - дея Надальнинг гапларини келтирди Tennis 365.