07 ноя 09:07
Янгиликлар

Теннис

Надаль Париж "Мастерс" 1/2 финалига чиқди

Франция пойтахти Париж шаҳрида "Мастерс" сериясига кирувчи нуфузли турнир давом этмоқда.

Мусобақа ғолиблиги учун асосий даъвогар испаниялик Рафаэль Надаль ярим финал йўлланмасини қўлга киритди. Дунёнинг иккинчи ракеткаси 2 соату 13 дақиқа давом этган чорак финал баҳсида рейтингнинг 15-поғонасидан жой олиб турган ватандоши Пабло Карреньо-Бустани мағлуб этди - 4/6, 7/5, 6/1.

Учрашув давомида 34 ёшли Рафа 7 та, 29 ёшли Карреньо-Буста эса 4 та эйс зарбани амалга оширди. Бу ватандошларнинг ўзаро ўтказган еттинчи учрашувлари эди. Барча баҳсларда Надалнинг қўли баланд келган.