01 окт 12:32
Янгиликлар

Теннис

Надаль "Ролан Гаррос" иккинчи даврасида кортга чиқди

Дунёнинг иккинчи ракеткаси Рафаэль Надаль теннис бўйича Франция Очиқ чемпионатининг иккинчи давра учрашувини ўтказди.

Испаниялик теннисчи рейтингнинг 236-поғонасидан жой олган америкалик Маккензи Макдональдни ортиқча қийинчиликсиз мағлубиятга учратди - 6/1, 6/0, 6/3.

Учрашув роппа-роса 100 дақиқа давом этган. Рафа ҳам, Маккензи ҳам бор йўғи биттадан эйс зарбани амалга оширган. Бу теннисчиларнинг ўзаро ўтказган илк учрашуви эди. Энди Надаль "Ролан Гаррос" учинчи босқичида япониялик Кеи Нишикоридан устун келган италиялик Стефано Травальяга қарши кортга чиқади.