Наҳотки! Тайла Сантос Валентина Шевченкони мағлуб этганмиди?

Икки вазнда собиқ UFC чемпиони, ҳозирда эса ушбу промоушенда шарҳловчилик қилаётган Даниэль Кормье Валентина Шевченко — Тайла Сантос жанги ҳакамларининг қарорига қўшилмаслигини маълум қилди.

"Шевченко бу жангда мағлуб бўлди. Бу менинг фикрим. Тайла Сантос UFC чемпионлигига эришиш учун борини берди. У жуда кўп тейкдаунларни амалга оширди, Валентинани партерда назорат қилди. Нима учун сабмишенларнинг ҳисобга олинмаганини тушунмаяпман. Тайла биринчи раунддаёқ рақибасини бўғишга уриниб, ўзини яхши томондан кўрсатди", - деди Кормье.

Эслатиб ўтамиз, Шевченко — Сантос жанги якшанба тонгида, Сингапурда бўлиб ўтди. Жангда Валентина ғалаба қозониб, ўз камарини нақ еттинчи бор ҳимоя қилишга эришди.