03 сен 10:38
Янгиликлар

Теннис

Наоми Осака US Open чемпионлигини ҳимоя қила олмади

АҚШнинг Нью-Йорк шаҳрида "Катта Дубулға" туркумига кирувчи US Open турнири давом этмоқда.

Сайёрамизнинг биринчи рақамли теннис маликаси Наоми Осака нимчорак финал учрашувида швейцариялик Белинда Бенчичга имкониятни бой бериб қўйди. Япониялик теннисчи рейтингнинг 12-поғонасидан жой олган рақибасига 5/7, 4/6 ҳисобида ютқазди.

Учрашув 1 соату 26 дақиқа давом этган. 21 ёшли Осака АҚШ Очиқ чемпионатининг амалдаги ғолибаси эди. 22 ёшли Бенчич ўзаро учрашувларда 3:1 ҳисобида олдинга чиқиб олди.