Наоя Иноуэ навбатдаги рақибига "вызов" ташлади ва жангга розилик олди

Уч вазн тоифасига кўра жаҳон чемпиони саналган япон "самурайи" америкалик Стивен Фултонни мағлуб қилганидан кейинги жангини ўтказади. Иноуэ ва Тапалес ўзаро келишувга эришди ва қўл сиқишиб расмга тушди.

Тапалес WBA ва IBF да иккиламчи енгил вазн тоифасида чемпион ҳисобланади. Фаолияти давомида у 40 жанг ўтказиб, 37 ғалаба ва 3 мағлубият қайд этган.

Иноуэ сўнгги жангида Фултонни саккизинчи раундда мағлуб қилганди. Ўшанда Стивен нокдаун ҳолатига тушиб қолиб, бир қанча зарбаларни ўтказиб юборган ва натижада ҳакамлар жангни якунлашганди. Япониялик енгилмас боксчи 25 жангининг (22 нокаут) барчасида ғалаба қилган.