“Наврўз Кубоги" Нью-Жерси жамоасида + ФОТО

Учинчи маротаба ташкил этилган бу сафарги турнир Флорида штати Орландо шаҳрида бўлиб ўтди. Мусобақанинг очилиш маросимида Ўзбекистон Республикасининг АҚШдаги фавқулодда ва мухтор элчиси Жавлон Ваҳобов, "Маҳалла" жамияти бошлиғи Абдумалик Аҳмедов, бир неча йилдан бери АҚШда яшаб келаётган актёр Соҳиб Аббосхон иштирок этишди.

Айтиш мумкинки, бу йилги турнирга қизиқиш анча юқори бўлди. Сабаби илк маротаба мусобақада 10 та штатдан келган 15 та футбол жамоаси қатнашди. Икки кун давом этган баҳсларнинг ҳал қилувчи учрашувида "Нью-Жерси" штатининг “UZB FC" жамоаси Миссурининг “Лочинлар” жамоаси устидан 2:1 ҳисобида ғалаба қозонди. Учинчи ўрин эса Флорида штатининг “Тошкент” жамоасига насиб этди.