13 фев 07:48
Янгиликлар

Теннис

New York Open. Бугун Истомин АҚШда кортга чиқади

АҚШнинг Нью-Йорк шаҳрида теннис бўйича нуфузли ATP турнирининг асосий тўр баҳслари давом этмоқда.

Хабар берганимиздек, New York Open мусобақасида Денис Истомин ҳам иштирок этади. Ҳамюртимиз бугун илк давра баҳсида америкалик Маккензи Макдональдга қарши кортга чиқади. Бу учрашув Тошкент вақти билан соат 21:00да бошланади. Денис ATP рейтингида 106, Маккензи эса 82-ўринни эгаллаб турибди.

Ушбу жуфтлик ғолиби иккинчи босқичда турнирнинг бешинчи ракеткаси франциялик Андриан Маннарино ҳамда америкалик Рейли Опелка учрашуви ғолибига қарши баҳс олиб боради. Дунёнинг тўққизинчи ракеткаси америкалик Жон Изнер турнирнинг биринчи ракеткаси сифатида қайд этилган.