Нейт Диаз ёшлигида кимларга ҳавас қилгани ҳақида гапирди

"Бу йигитлар эришиб бўлмайдиган даражада эди. Улар мен учун дунёдаги энг машҳур инсонлар. Бу йигитлар UFC камарига эга бўлган ва ташкилот айтгани учун улар ўзларини энг зўр деб ҳисоблашади. Аммо, мен учун ҳар доим энг зўрлари — Хойс Греси, Федор Емельяненко ва Би Жей Пенн. Бу инсонлар жангчи бўлишимнинг асосий сабабчилари ҳисобланади", — деди Диаз ESPN ММА Youtube каналига берган интервьюсида.

Эслатиб ўтамиз, Нейт Диаз навбатдаги жангини швециялик жангчи Хамзат Чимаевга қарши ўтказиши лозим эди. Лекин, Чимаев вазн меъёрини бажара олмади ва эндиликда Диаз Тони Фергюсон билан тўқнаш келади.