13 мар 16:06
Янгиликлар
Бокс/ММА
Нганну операция қилинади. У энди қачон октагонга қайтади?
Оғир вазн тоифасида UFC чемпиони Фрэнсис Нганну тез орада тиззасини операция қилдиради.
У тахминан тўққиз ой давомида жангларда иштирок эта олмайди. Бу ҳақида ESPN US хабар бермоқда. Операция 18 март куни, Нганну Камерундан АҚШга қайтганидан сўнг амалга оширилиши кутилмоқда. Фрэнсис франциялик Сирил Ган билан жангга тайёргарлик кўраётганида тиззасини шикастлаб олганди.
Нганну аввалроқ UFC билан амалдаги шартномаси бўйича жанг ўтказмаслигини маълум қилган эди. Унинг битта жанг учун ўртача маоши 500-600 минг доллар атрофида. Фрэнсиснинг фикрича, кейинги шартномаси бокс билан бўлади. Чунки боксда унга кўпроқ ҳақ тўлашади. Аммо, яқинда UFC президенти Дана Уайт томонлар ҳали ҳам келиша олишларига ишонч билдирганди.
Ҳавола :
Манба : fighttime
Фикрлар