Нганну UFC билан бир ҳолатдагина шартнома имзоламаслиги мумкин

Камерунлик жангчининг сўзларига кўра, агар UFC унинг британиялик боксчи, супероғир вазнда WBC камари соҳиби Тайсон Фьюри билан жангига тўсқинлик қилса, у янги шартномага имзо чекмайди.

"Фьюри билан жанг келишувнинг бир қисми бўлиши керак. Агар бундай имконият бўлмаса, ҳеч қандай шартнома бўлмайди. Агар UFC билан ҳозиргиси билан бир ҳил шартнома имзоласам, муаммоли вазиятга тушиб қоламан. Бошқа бундай бўлмайди. Биз Фьюри билан жанг шартномага қўшилишини аниқлашимиз керак.

UFC — яхши промоушен. Мен жанг қилишда давом этмоқчиман. Фьюри билан жанг фаолиятимдаги сўнггиси бўлмайди, бу тўқнашувдан сўнг ҳали яна кўп бор жанг қиламан. Жон Жонс бор, Стипе Миочич билан трилогия бор. Умуман олганда, UFCда ўтказишни хоҳлайдиган кўп катта жангларим бор. Мен умумий позицияга келишимизни хоҳлардим", - дея Нганнунинг сўзларини келтиради MMAJunkie.