10 дек 16:12
Янгиликлар

Футбол

Нидерландия ван Гал қайтганидан кейин илк бор мағлуб бўлди

Бунгача бош мураббий қўл остида "Лолалар юрти" жамоаси 14 ғалаба ва 5 дуранг қайд этганди.

Луи ван Гал қўл остидаги Нидерландиянинг мағлубиятсиз серияси якунига етди. Кеча жамоа ЖЧ-2022 1/4 финалида Аргентинага (2:2, пенальтилар бўйича – 3:4) ютқазди. Бу ван Галнинг Нидерландия бош мураббийлик лавозимига қайтганидан кейинги илк мағлубиятидир.

Бугунги кунга қадар Нидерландия сўнгги мағлубиятини 2021 йилнинг 27 июнида Чехиядан қабул қилиб олганди (0:2). Ван Гал ўша йилнинг август ойида бош мураббийлик лавозимига қайтди ва кечаги баҳсгача терма жамоа 14 ғалаба ва 5 дурангдан иборат серияга эга бўлиб турганди.