Нигина Абдураимова бугун дунёнинг собиқ иккинчи ракеткасига қарши ўйнайди

Мукофот жамғармаси 780,637 долларни ташкил этувчи ушбу турнирнинг саралаш баҳсларида ҳамюртимиз Нигина Абдураимова ҳам ўз омадини синаб кўради. Мамлакатимизнинг биринчи ракеткаси қуръа натижасига кўра саралашнинг илк даврасида Вера Звонарёвага қарши кортга чиқади. 

Россиялик 38 ёшли тажрибали теннисчи ўз вақтида дунёнинг иккинчи ракеткаси бўлган. Олимпия ўйинларининг бронза медали совриндори, "Катта Дубулға" турнирларининг 5 карра (3 та жуфтликда, 2 та аралаш жуфтликда) ғолибаси, 24 та (12 таси яккаликда) WTA турнирлари чемпиони ҳисобланган Звонарёва айни пайтда дунё рейтингида 1232-поғонадан жой олган. Абдураимова эса дунёнинг 169-ракеткаси бўлиб турибди.