Нигина Абдураимова Франциядаги турнирда 1/4 финалга чиқди

Мукофот жамғармаси 60 минг еврони ташкил этувчи ушбу турнирда ҳамюртимиз Нигина Абдураимова ҳам муваффақиятли иштирок этяпти. Мамлакатимизнинг биринчи ракеткаси мусобақада иккита учрашувда рақибаларини енгиб, чорак финалга йўл олди.

Дунёнинг 181-ракеткаси бўлиб турган Абдураимова аввалига биринчи даврада рейтингнинг 393-поғонасида бораётган франциялик Эмелин Дартронни 6/4, 6/2 ҳисобида енгди. Бугун эса 1/8 финалда мезбонларнинг яна бир вакили, рейтингда 418-ўринни банд этган Эмма Ленедан 7/5, 6/1 ҳисобида устун келди.