08 дек 11:33
Янгиликлар

Теннис

Нигина Абдураимова жуфтликда ҳам ютқазди

БААнинг Дубай шаҳрида теннис бўйича W100+H турнири давом этмоқда.

Мукофот жамғармаси 100 минг долларни ташкил этувчи турнирда ҳамюртимиз Нигина Абдураимова ҳам иштирок этаётган эди. Мамлакатимизнинг биринчи ракеткаси яккаликнинг 1/16 финалида россиялик Мария Тимофеевага қарши кортга чиқиб, кутилмаганда рейтингнинг 331-поғонасида бораётган рақибасига 1/6, 1/6 ҳисобларида имкониятни бой бериб қўйганди.

Афсуски, WTA рейтингида 170-ўринни эгаллаб турган Нигина яккаликдан сўнг жуфтлик мусобақасида ҳам омадсизликка учради. Россиялик Екатерина Яшина билан тандем ҳосил қилган Абдураимова Хитой Тайпейи вакиласи Ю Хсие ва индонезиялик Жесси Ромпиес ҳамкорлигига 4/6, 3/6 ҳисобида ютқазди ва Дубай турниридаги иштирокини якунлади.