01 май 15:16
Янгиликлар

Теннис

Нигина Абдураимова Маррейга ютқазиб қўйди

Наманганда теннис бўйича аёллар ўртасида мукофот жамғармаси 25 000 АҚШ долларини ташкил этувчи мусобақа давом этмоқда.

Турнирда еттинчи рақам остида сараланган теннисчимиз Нигина Абдураимова бироз аввал саралаш босқичи орқали мусобақада қатнашаётган британиялик Саманта Маррейга қарши ўйин ўтказди.

1 соат 24 дақиқа давом этган ўйинда афсуски Нигина рақибасига 4:6, 2:6 ҳисобларида ютқазиб қўйди ва яккалик баҳсларидаги иштирокини якунлади.

Маълумот учун, Абдураимова айни пайтда жаҳон рейтингида 363, Маррей эса 573-ўринни эгаллаб турибди.