21 янв 11:00
Янгиликлар

Теннис

Нигина Абдураимова Монастирда 1/4 финалга чиқди

Тунис давлатининг Монастир шаҳрида теннис бўйича ITF турнири давом этмоқда.

Мусобақада мамлакатимизнинг биринчи рақамли теннис маликаси Нигина Абдураимова ҳам муваффақиятли иштирок этяпти. Ҳамюртимиз илк даврада чехиялик Бренда Фрухвиртовани 7/6(3), 6/3 ҳисобида мағлуб этган эди.

Кеча эса у нимчорак финал учрашувида япониялик Сакура Хосогидан 6/4, 6/2 ҳисобида устун келди. Бугун Нигина чорак финалда WTA рейтингида 336-поғонадан жой олиб турган польшалик Майя Хвалинскага қарши кортга чиқади. Абдураимова рейтингда 328-ўринни эгаллаб турибди.