21 июл 09:28
Янгиликлар

Теннис

Нигина Абдураимова Палермо WTA турниридаги иштирокини якунлади

Италиянинг Палермо шаҳрида теннис бўйича WTA 250 тоифасига кирувчи турнир давом этмоқда.

Ушбу мусобақада Нигина Абдураимованинг ҳам иштирок этаётгани ҳақида хабар берган эдик. Яккалик баҳсларининг илк даврасидаёқ мағлубиятга учраган ҳамюртимиз жуфтликдаги иштирокини 1/2 финал остонасида тўхтатди.

Россиялик Софья Лансере билан тандем ҳосил қилган Нигина 1/8 финалда италиялик Дебор Кьеза ва Мартина Колменья ҳамкорлигини 5/7, 7/6(5), тай-брекда 11:9 ҳисобларида мағлуб этганди.

Афсуски, Лансере/Абдураимова жуфтлиги 1/2 финал чиптаси учун кечган учрашувда италиялик таниқли теннисчилар Сара Эррани ва Жасмин Паолини тандемига 2/6, 4/6 ҳисобида имкониятни бой берди. Бир соату 6 дақиқа давом этган баҳсда Нигина ва Софья 4 та эйс зарбасини амалга оширди. Рақибларда бу кўрсаткич 0 кўринишида бўлди.