02 май 17:25
Янгиликлар

Теннис

Нигина Абдураимова Сен-Мало турнирида кортга чиқди

Франциянинг Сен-Мало шаҳрида теннис бўйича аёллар ўртасидаги "Челленжер" турнири бўлиб ўтмоқда.

Мукофот жамғармаси 125 минг долларни ташкил этувчи турнирда ҳамюртимиз Нигина Абдураимова ҳам ўз омадини синаб кўряпти. Афсуски, мамлакатимизнинг биринчи ракеткаси яккаликнинг илк даврасидаёқ мағлубиятга учради.

WTA рейтингида 184-поғонада бораётган Абдураимова 81 дақиқа давом этган 1/16 финал баҳсида дунёнинг 171-ракеткаси, франциялик Эльза Жакога 3/6, 1/6 ҳисобида имкониятни бой бериб қўйди.