18 июн 08:43
Янгиликлар

Бокс/ММА

Ниҳоят, Элнур Абдураимовга рақиб топилди, жанг 21 июнда ўтказилади

АҚШда профессионал боксдаги фаолиятини бошлашга яқин турган чарм қўлқоп устамиз Элнур Абдураимовга рақиб топилди.

Унга кўра, Элнур Абдураимов аввалдан белгиланганидек, 21 июнь куни АҚШнинг Нью-Йорк штати Куинз шаҳарчасида профессионал боксдаги дебют жангини ўтказади. Унинг рақиби угандалик Сулаймон Сегава бўлади.

2013 йилда проф боксдаги фаолиятини бошлаган Сегава шу кунгача 11та жанг ўтказган бўлиб, уларнинг 10тасида ғалабага эришган. Учта жангда рақибларини нокаутга учратган. Ягона мағлубиятини шу йилнинг 28 апрель куни Уильям Фостердан қабул қилиб олган.

Эслатиб ўтамиз, Абдураимов аслида дебют жангини 18 май куни АҚШда ўтказилиши керак эди. Лекин ўшанда Элнурнинг жангга икки кун қолганда топилган рақиби америкалик Омар Этридж тиббий кўрикдан ўта олмаганди.