20 янв 15:51
Янгиликлар

Шахмат

Нодирбек Абдусатторов дунё рейтингида 18-ўринга кўтарилиб олди (ФОТО)

Аввал хабар берганимиздек, Нидерландиянинг Вейк-ан-Зее шаҳрида шахмат бўйича нуфузли "Tata Steel Chess-2023" турнири давом этмоқда.

Кеча "Мастерс" гуруҳида иштирок этаётган ҳамюртимиз Нодирбек Абдусатторов 5-тур доирасида норвегиялик Магнус Карлсенни мағлубиятга учратди ва гуруҳда 4 очко билан пешқадамга айланиб олди.

Мазкур ғалаба орқали Абдусатторов 18,4 рейтинг очкосига эга бўлди ва дунё рейтингида 12 поғона юқорилаб, 18-ўринга кўтарилиб олди. Ҳозирда ҳамюртимизнинг ҳисобида жами 2731 очко мавжуд.

Абдусатторов бугун 6-тур доирасида айни дамда мусобақа жадвалининг 3-поғонасида бораётган ҳиндистонлик Прагнанандага қарши дона суради. Ҳамюртимиз ушбу баҳсда оқ доналарда ҳаракат қилади. Баҳс Тошкент вақти билан 18:15 да бошланади.

Дунё рейтинги кучли йигирмалиги: