Нодирбек Абдусатторов мураббийини алмаштирди

— Ҳаммаси фақат шахматчининг ўзига боғлиқ эмас. Атрофингдаги одамлар ҳам катта роль ўйнайди. Мураббийларни алмаштириш қарори ўйинимга ижобий таъсир қилди. Самарқанддаги Grand Swiss турниридан кейин мураббийимни ўзгартирдим. Олдин Рустам Қосимжонов билан ишлардим, ҳозир эса у миллий терма жамоа бош мураббийлигига ўтди. Олимпиадада жамоамиз сардори бўлади. Энди менда битта эмас, иккита мураббий бор. Лекин уларнинг исмини айта олмайман. Улар Жаҳон кубогида бунчалик ёмон ўйнашимни кутишмаган эди. Ўзимга бир муддат натижага ҳаддан ташқари боғланмасликни айтдим. Номзодлар турнирига чиқиш имкониятим йўқолгач, шахматни натижа учун эмас, завқ учун ўйнай бошладим", деди Абдусатторов.